પરિશ્રમને લગતા સુવિચાર

મહેનત/ ઉદ્યમ /પુરુષાર્થ /પરિશ્રમને લગતા સુવિચાર

મહેનત માટેના અનેક સમાનર્થી શબ્દો મળે છે.

એટલું જ નહીં મહેનતનું જીવનમાં અગત્ય પણ ખાસ છે એ આપણે સૌ જાણીએ છીએ.

અહી પરિશ્રમ, ઉદ્યમ કે પુરુષાર્થ ને લગતા મહાપુરુષોના વિચારો રજૂ કર્યા છે.

અસફળતાથી ગભરાયા વગર લગાતાર પ્રયત્ન કરવાવાળા

લોકોના ખોળામાં સફળતા જાતે જ આવીને બેસી જાય છે.

– ભારવિ

પરિશ્રમ આપણને ત્રણ આફતોથી ઉગારે છે : કંટાળો, કુટેવ અને જરૂરિયાત.

– સર વૉલ્ટર

પરિશ્રમ કરવો તે પ્રાર્થના છે.

– સંત બેનેડિક્ટ

જેમ શક્તિ ઓછી તેમ મહેનત વધારે કરવી પડે.

– ફાધર વાલેસ

જેણે વધારે પરસેવો પડ્યો છે

એને ઓછું લોહી બાળવું પડશે.

– નુફાત

વારંવાર પ્રયત્ન કરવાથી

અસંભવ પણ સંભવ બની જાય છે.

– યોગવશિષ્ઠ

સાચો પ્રયાસ કદી નિષ્ફળ જતો નથી.

– વિલ્સન

આળસ શરૂઆતમાં સુખરૂપ હોય છે પણ અંતમાં, દુઃખરૂપ,

જ્યારે પુરુષાર્થ શરૂઆતમાં દુઃખરૂપ હોય છે પણ અંતમાં સુખરૂપ.

– મહર્ષિ વેદવ્યાસ

નાનપણમાં મેં જોયું કે હું કામકરતો તેમાંના દસમાંથી નવ નિષ્ફળ નીવડતાં

પણ મારે નિષ્ફળ નીવડવું નહોતું

એટલે પછી મેં દસગણુ વધારે કામ કરવા માંડ્યું.

– જ્યૉર્જ બર્નાડ શો

ધન એ અથાક મહેનતનું ફળ છે.

– લૉક

જેમ ખેતર વગર વાવેલું બી નકામું બને છે

તેવી રીતે પુરુષાર્થ વગર પ્રારબ્ધ સિદ્ધિ મેળૅવતું નથી.

– મહાભારત

કાંઈ ન કરવા કરતાં કંઈક કરવું વધારે સારું છે

કારણ કે કર્તવ્ય, કર્મ ન કરનાર જ સૌથી મોટો પાપી છે.

– ટૉલ્સટોય

હું તો પ્રયત્નને જ પરમ સાફલ્ય માનું છું.

– કનૈયાલાલ મુનશી

મહેનત એ એવી સોનેરી ચાવી છે

જે ભાગ્યનાં દ્વાર ઉઘાડી નાખે છે.

– ચાણક્ય

આળસથી કટાઈ જવા કરતાં

મહેનતથી ઘસાઈ જવું વધુ સારું છે

– એમર્સન

પરિસ્થિતિને અનુકૂળ બનાવવાના પ્રયત્નો આજ સુધી ખૂબ કર્યા,

હવે પરિસ્થિતિને અનુકૂળ બનવાના પ્રયત્ન કરતા જાવ.

– રત્નસુંદરવિજયજી

આજે જે પુરુષાર્થ છે તે જ કાલનું ભાગ્ય છે.

– પોલ શિટર

પ્રતિભા મહાન કાર્યોનો પ્રારંભ કરે છે

પણ એ પુરાં તો પરિશ્રમથી જ થાય  છે.

– જૂબર્ટ